Moving in at Fairview

---

Heit woa i wida laufn in da fruah, die laufstrecken san a traum do! beim olympic village vorbei etc... es san so vü leid untawegs, laufend, spazierend, rollerskatend oda radlfoahrend =)
in yaletown (is irgendwie wie ein in-viertel und reichen-bezirk rüberkumma, i glaub des woas a, weil die „mum“ hot uns gsogt dass ma di augen offen hoidn suin wegn stars (film,musik)) jedenfois san do olle mit so schiache hund untawegs, die goa nimma ausschaun wia a hund! gschminkt und hergricht wia für an ball (die hund, ned die leid)
danoch hots no a guads frühstück gebn in unsam apartment und daun gings scho ob zum flughafen, für die esther und in harry. i hobs begleitet und sehr vü blerrt =(
di u-bahn/busfohrt daun zur uni woa hoat! noch 3 wochn aneinanderpickn woa i jetz auf amui ala und hob nur blerrt!
daun bin i mit mein racklpackl in mei apartment am campus einzogn. die roommates san ole gaunz nett! zwa mädls san aus kanada und die yurie is aus japan. alanich dasst verstehst wia de hast is scho a herausforderung! obgsehng dafau dass no weniger vokabeln was ois i, die hot a nau des handicap, dass ka „r“ song kau. oiso des is imma a ratespiel wennst mit der redst!
i woa nedamui no 1 stund do hob i mi scho söbst vo mein room aussegsperrt, weil de türen herrinnen sperrn automatisch zua, u i hob natürlich ned mein zimmaschlissl aufs klo mitgnauma. oba keine sorge, i bin ned da anzige chaot do, die japanerin is a grod in mei zimma einakumma. noch 5 minuten bin i daun draufkumma wos wü: sie hot si a aussigsperrt und was ned wos mochn sui =)
zum safeway bin i no mitn bus gfoahn einkaffn.eig. nur gaunz wenig kaft (klopapier, toilettzeig, a bissl gemüse obst und fleisch: 112 dollar! do hauts di aus den sockn! de 5 sackl hob i daun hamzaht, in der ständigen angst dass glei reißn! wia is daun endlich obstöhn hob kinna hob i meine händ nimma obbiang kinna so weh hot des tau!
heit hots do in fairview (de wohnsiedlung am campus wo i wohn) gratiseis gebn (statzingereis woas leida kans) und moang gibt’s BBQ! looking forward to it!

den campus do muass ma si vorstellen ois eigene stadt! do san 37000 studenten (na i hob ned a null zuvü gschriem) und do wohnen komischer weiß a ur vü familien und kinder... vielleicht die angestellten, lektoren, professoren, wos was i... jedenfois sans vüle! und starbucks, mäci etc (sau vü cafes, pubs, restaurants, schnellimbisse) und aundare gschäfte (lebensmittel: vom gainsville market) gibt’s do a!
i muass ma des gelände do nau genauer auschaun!
i hob überlegt a radl zu kafn, weil zu fuaß brauch i ca 30min zu dem gebäude wo meine vorlesungen san. nur de second hand san scho ausverkauft, jetz wird’s wui a rennradl wos i daun hamschickn wird im dezember ;) oba da luki (a MBA student aus wian) hot ma vom radl obgeraten, weils angeblich de wochn no auffaungt zu regnen und zwa monat nimma aufhern wird... das wird ein spaß! (oiso an harry: suit i ma vl. doch an regenfesten rucksock kaffn!!!) =)

viele bussis and good night

---