Happy Halloween!

---

Happy Halloween!

Öbbis womer eifach wirkli muen erläbt ha in Nordamerika isch Halloween, die wohl grössti Partynacht da. Gschnitzti Chürbisse, Gspänstli u Spinnwabe überall, Chind wo dür d Quartiere laufe u Süesses sammle. So richtig agfange hets aber ersch, woni ufe Bus bi für Downtown zgah. Sogar de Buschauffeur isch verchleidet gsi u so bini de imne als Zombi dekorierte Bus mitemne Zombibusfahrer gfahre. D Stimmig isch bestens gsi u vo Teletubbies über en wandelnde Sarg hetmer alles gseh. Es isch denn o öbbe i dem Stil wiitergange, d Granville Street isch voll gsi mit kostümierte Lüüt u derte simmer de näbst me wandelnde Ipod o em Winnie Poo, emne violette Teletubby u emne Ninja begägnet (u natürli na ganz viu anderem).

I glaub viu meh mueni dadezue nid säge, d Biuder sprächid für sich :-)

---