Brazil Night!


Advertisement
Published: August 3rd 2012EDIT THIS ENTRY

Wow d Ziit flügt nur so dähii. Schwider sind zwei super Täg vergange. Gester hämmer natürli brav Schuel gha. Nachanä isches mit es paar Umwäg wider an Englisch Bay gange will ja Füürwerch agseit gsi isch. Mir sind e riise Gruppe gsi will mini Gastschwöster au mit irere Klass det gsi isch. Mir Schwiizer händ natürli eis riise Fäscht gha und es chunt eim vor wie ei risigi Familie. Eusi Klass häts super mitenand und mir hälfed eus gägesiitig egal um was es gaht, natürlich au bide Ufzgi Nacheme gmeinsame Picknick Dinner hämmer den gebannt ufs s Füürwerch vo Brasilie gwartet und au mis Gastmami und min Gastbrüäder sind no zu eus gstosse (de Ryan isch den am Morge für 4 Wuche uf Brasilie gfloge). Dänn hät Brasilie losgleit und eus häts umghaue, die wüssed wükli was Füürwerch isch. Rundume hät mer nume no "oooh", "aaaah" und "woooooow" ghört. Bis ez s beste Füürwerch woni da gseh han dänn simmer super turbo schäll zum Skytrain düüsed wie ä Äntefamilie, d'Marion voruus und de Rest igendwie hindedrii. Woni i mis Bett ha chöne ligge bini echt froh gsi.

Hüt simmer ide Schuel all chli müäd gsi aber de Jim het eus natürli uf Tourä bracht und mir hend flissig gschaffet. Es fühlt sich alles scho rächt wie Alltag ah: mit em Bus fahre und schön Danke säge bim Usstige, z'Vorderst in Skytrain iistige will mär det graad vorne use chan luege (es hät kein Fahrer ) und natürli id Schuel gah. Zmittag ässemer all zäme im Pacific Center (ä Mall) wos en Foud Court hät (en Platz mit jenes verschidenem Ässe). Nach de Schuel hani den zäme mit de Thalia (e Mitschüälerin) s Büro vo dere Triporganisation ufgsuecht will ich ha müsse min Seattle Trip absäge, min Pass isch zwar alt aber doch z'noi, d'Amis sind eifach komplett bescheuert!!! Naja s'Gäld hani zrugg becho und defür gad d Boat-Party nächst Fritig buechet Dänn bini mit de Thalia no eis go zie imene Pub und mir hend d Lüüt ufem Trottoir beobachtet, da gits ja crazy people das isch soo hammer!

Ez hani mini Ufzgi fertig gmacht und gan bald is Bettli, morn wartet ja no en halbe Tag Schuel uf mich. Also hebbed eu sorg, kei seich und bis gli. greetings and hugs from vancity


Additional photos below
Photos: 4, Displayed: 4


Advertisement



Tot: 0.187s; Tpl: 0.01s; cc: 11; qc: 55; dbt: 0.056s; 55; m:apollo w:www (50.28.60.10); sld: 4; ; mem: 6.4mb