Granville Island

---

Mir händ eifach immer super Wätter da, au das weekend wider. Gester simmer am spötere namitag an Beach go hänge und reläxe und aschlüssend simmer ide Old Spaghetti Factory go ässe. Es isch eifach himmlisch gsi (Fettuccine mit Shrimps, Tintefish und super feiner Sosse). Das wird vor minere Abreis definitv nomal widerholt 😉 den simmer hei und ich ha mini Gasteltere mit Fründe uf de Veranda aatroffe bim Sternschnuppe luege. Mir händ eis Gaudi gha und ich ha no selber gräucherete Lachs mit Crackers dörfe probiere, sensationell sägi da nume!!! Han im ganze 17 Shootingstars gseh und d Ruumstation isch au no dure gfloge. Hät sich also voll glohnt das min Nacke chli hät müesse liidä.

Hüt bini den nach de Ufzgi mit de Simona wo ade gliche Strass wohnt uf Granville Island (e Halbinsle) zum Foodmarket go late lunch ässe. Mir sind natürli brav über d Brugg gloffe wommer en super Ussicht het uf Downtown und d Halbinsle. De Market isch de Wahnsinn, frischi Frücht, Gmüäs, Fisch, Süässigkeite, Antipasti und Pasta sowiit mer cha luege. Mi hend eus den für Thailändisch entschide 😉 Han mir aber no e Coconut to go kauft woni nacher gnüsslich wird trinke und verspiisä 😉 Wider dihei achoo bini no in Safeway tschumplet go Geburichueche poste für morn ide Schuel. Ez höckli nochli uf de Balkon und den ab is Bettli.

Stay well und kei seich, hugs from Sunshinecouver 😊

---

Photos

Old Spaghetti Factory
niamiii :)

Célines Retsaurant
hani garned gwüsst ;)