Yolanda

Ezt bini denn scho bald drü Wuche da und ha mi so wiit scho einigermasse as Klima gwöhnt (ganz wirdis nie schaffe, für das mössti um einiges länger blibe). Woni aacho bin ischs Wätter grad richtig agnehm gsi. D Wulche hend de strahlend blaui Himmel verdeckt und e liechti Brise hät di tropisch Wärmi erträglich gmacht. Tja, das isch am Aafang gsi.. Mittlerwiile merkt mer richtig guet, dass es Rägeziit isch. All paar Stund chunnt wieder en Schwall Wasser vom Himmel obenabe. Ich bin denn zwar meistens i de Schuel oder suscht wo unterem Dach, aber d Luft wird dadurch bsunders schwüel. Am Afang hani amigs na d Regejacke mitgnoh wenns nach Rege gschmöckt het, aber mittlerwiile hani das uufgäh, will d Chance, dassd i sonen Platzräge inechunsch eifach z chli isch... Aber ich will nöd, ... read more