Goodbye Vietnam

Hey Seeme!!! Jedä Tag bin ich im Internet gsi go luege öbs News git, und au wänn die hüt churz usgfalle sind han ich mich riisig gfreut wider mal was vo dir z'läsä... Hüt gaht au bi mir dä ernscht vom Läbä wider los... muess also uf di halbi 3 go schaffe... bin biz nervös, aber eigentlich freu i mi riisig... Mensch Seeme äs git so vill z'verzellä, und ich wünschti du wärsch da und chönntisch mir zuelose... kei Angscht was ich gern würdi loswerde isch fascht durchwegs positiv trotzdem isch s'Bedürfniss da dir z'verzellä was so alles passiert isch i dä letschtä Ziit... Irgendwie sind i dä letschtä Wuche sovill Gfühl uf mich i gstürzt das ich die sälber gar nüm so richtig chan kanalisiere... Möcht mängisch di ganzi Wält umarme, und dänn wider eifach dihei hocke und brüele... Möcht go reise genau wie du möcht underwägs si villicht au zu mir sälber (aber das bin i ja eigentlich scho) Möcht öbis erläbe und trotzdem au zur Rueh cho... ich weiss nöd wie ich dir dä Zuestand söll erchlärä... Äs isch aber äs schöns Gfühl, und glaub mir äs gaht mir bis uf äs paar chlini Usnahme würklich guet... Ich weiss aber jetzt scho das ein Abig wohl nöd wird lange um eus gegäsiitig z'verzellä was so alles passiert isch... au ich bin riisig gspannt uf dini ganz persönliche Erfahrige, Erläbniss, und vorallem wie fescht dich die Reis veränderet hät... Bald chunnt mis Brüederli für äs churzes Bsüächli i d'Schwiiz bevor är dänn wiiter nach Asie reist wo är als Abschluss vo sinärä Reis no dä Dive Master wett mache... ich bin gspannt druff wies ächt im nach fascht vier Mönet in Afrika wird gah wänn er hei chunnt, dä Bus wider pünktlich fahrt, d'Läde wider alles bütet wo mer wett chaufe, wänn är wider mit Mässer und Gable muess ässä, und Bevölkerig uf dä Strass gröste Teils wider ä wiisi Huutfarb hät... Was isch das ächt für äs Gfühl wänn mer zrugg chunnt, und nach vier Mönet Minderheit si wider zu dä Mehrheit ghört??? Du gsesch ich mach mir nöd nur um mis Läbe sondern au um das vo zwei Mänsche wo mir unheimlich vill bedütet Gedanke... Zu ehrä vo dir nim ich hüt grad The monkey republic T-Shirt füre zum go schaffe... ich weiss no genau wie genial das mirs in Sihanouk gha händ... ä geniali Ziit... wie gahts ächt dir jetzt so ällei a das Ort zrugg z'cherä??? Lahns mich wüsse!!! Schicke dir ganz ganz dicki knuddelgrüess us dä Schwiiz... Chum bald gsund und munter wider hei... Sis